အလာဗတ်စ်အသင်း၏ စပိန်တိုက်စစ်မှူးဟိုဆေးလူ (၃၁ နှစ်)သည် ဂီတာဖေးအသင်းနှင့် (၁-၁)ဂိုးသရေကျသည့်ပွဲစဉ်တွင် သွင်းဂိုး (၁) ဂိုးသွင်းယူပေးနိုင်ခဲ့ပြီးနောက် အလာဗတ်စ်အသင်းအတွက် ၎င်း၏လာလီဂါသွင်း ဂိုးစုစုပေါင်းမှာ (၃၀)ဂိုးအထိရှိလာခဲ့ပြီး တိုက်စစ်မှူးဟောင်း ဟာဗီမော်ရီနို (၂၉ ဂိုး)ကိုကျော်ဖြတ်ကာ အသင်းသမိုင်းတစ်လျှောက် လာလီဂါသွင်းဂိုးအများဆုံး ကစားသမားအဖြစ်စံချိန်သစ်တင်ခဲ့ကြောင်းသိရသည်။
ဟိုဆေးလူသည် ၂၀၁၉ ခုနှစ်က နယူးကာဆယ်အသင်းမှ အလာဗတ်စ်အသင်းသို့ ပြောင်းရွှေ့လာသူဖြစ်သည်။
ဟိုဆေးလူသည် ရီးယဲလ်အသင်းတွင်လည်း တစ်ပွဲကစားခဲ့ဖူးသူဖြစ်ပြီး သူ၏ လာလီဂါသွင်းဂိုးစုစုပေါင်းမှာ (၃၆)ဂိုးရှိပြီဖြစ်ကြောင်း သိရသည်။
