ဆောက်သမ်တန်အသင်းနည်းပြ ဟာ ဆန်ဟူတယ်လ်က အသင်း၏ အရှုံးငွေနှင့် ပတ်သက်ပြီး ကစားသမားများကို သတိပေးခဲ့ကြောင်းသိရသည်။
ဆောက်သမ်တန်အသင်း သည် ပြီးခဲ့သည့် ၂၀၁၉-၂၀ ရာသီအတွက် အခွန်မဆောင်ရသေးမီ အရှုံးငွေ ပေါင်(၇၆.၁)သန်းရှိခဲ့ပြီး ယင်းအရှုံးငွေကြောင့် ကလပ်အသင်းအနေဖြင့် အနာဂတ်ငွေကြေး သုံးစွဲမှုများတွင် သတိထားရမည်ဖြစ်ကြောင်း ဟာဆန်ဟူတယ်လ်က ပြောကြားခဲ့သည်။
ဆောက်သမ်တန်အသင်းသည် လက်ရှိတွင် စာချုပ်ကုန်ဆုံးရန်နီးစပ်နေသော ကစားသမားအချို့ကို စာချုပ်သစ်ချုပ်ဆိုရန် စီစဉ်နေပြီး ကစားသမားအချို့က လစာငွေတိုးမြှင့်ပေးရန်တောင်းဆိုနေခြင်းအပေါ် ဟာဆန်ဟူတယ်လ်က သတိ ပေးခဲ့ခြင်းဖြစ်ကြောင်း သိရသည်။
ဟာဆန်ဟူတယ်လ်က ဆောက်သမ်တန်အသင်းအနေဖြင့် လစာငွေ မြင့်မားစွာပေးချေနိုင်သည့်အသင်းစာရင်းတွင် မပါဝင်ဟု ကစားသမားများအား ပြောကြားခဲ့သည်။
