ဘာစီိလိုနာအသင်းသည် ယခုရာသီ လာလီဂါပွဲစဉ် (၁၅)ပွဲ (ပွဲစဉ် ၁၆ ပြီးဆုံးပြီဖြစ်သော်လည်း ဘာစီလိုနာမှာ တစ်ပွဲလျော့နေခြင်းဖြစ်)ကစားပြီးချိန်၌ နိုင်ပွဲ (၆)ပွဲ၊ သွင်းဂိုး (၂၃)ဂိုးနှင့် ရမှတ် (၂၃)မှတ်သာရရှိထားရာ ယင်းမှာ ၂၀၀၃-၀၄ ရာသီနောက်ပိုင်း အသင်း၏ နိုင်ပွဲအနည်းဆုံး၊ သွင်းဂိုးအနည်းဆုံးနှင့် ရမှတ်အနည်းဆုံးရာသီအဖြစ် မှတ်တမ်းဝင်နေကြောင်း သိရသည်။
ဘာစီလိုနာအသင်းသည် ၂၀၀၃ – ၀၄ ရာသီက လာလီဂါပွဲစဉ် (၁၅)ပွဲ ကစားပြီးချိန်တွင် ရမှတ် (၂၀)မှတ် (၅ ပွဲနိုင်၊ ၅ပွဲသရေ၊ ၅ ပွဲရှုံး) နှင့်သွင်းဂိုး (၁၉)ဂိုးသာရရှိခဲ့ပြီး အသင်းအတွက် (၂၁)ရာစုအတွင်း အဆိုးရွားဆုံးလာလီဂါစွမ်းဆောင်ရည်အဖြစ် မှတ်တမ်းဝင်ထားခြင်းဖြစ်သည်။
ယင်းရာသီနောက်ပိုင်း ၂၀၀၄-၀၅ ရာသီမှ ပြီးခဲ့သည့် ၂၀၂၀-၂၁ ရာသီအထိ (၁၇)ရာသီအတွင်း ဘာစီလိုနာအသင်းသည် ပွဲစဉ် (၁၅)အပြီး ရမှတ်အနည်းဆုံးအဖြစ် ပြီးခဲ့သည့် ၂၀၂၀-၂၁ ရာသီက (၂၇) မှတ်ရရှိကာ မှတ်တမ်းဝင်ထားပြီး ယခု ရာသီမှာမူ (၂၃)မှတ်ဖြင့် ပြီးခဲ့သည့်ရာသီထက်ပိုမိုနည်းပါးခဲ့ခြင်းဖြစ်သည်။
ယခုရှုံးပွဲသည် ဇာဗီအတွက် ဘာစီလိုနာနည်းပြဘဝ ပထမဆုံးရှုံးပွဲဖြစ်ခဲ့ပြီး၊ အသင်းအားကိုင်တွယ်သည့် ပြိုင်ပွဲစုံ (၄)ပွဲမြောက်တွင် ရှုံးပွဲစတင်ကြုံတွေ့ခဲ့ခြင်းလည်းဖြစ်သည်။
ဇာဗီသည် ဘာစီလိုနာအသင်းအားကိုင်တွယ်ခဲ့သည့် ပြိုင်ပွဲစုံ (၄)ပွဲတွင် အက်စ်ပန်ညို၊ ဗီလာရီးယဲလ်တို့အား အနိုင်ရထားပြီး ဘင်ဖီကာနှင့် သရေကျကာ ဘက်တစ်ကိုရှုံးနိမ့်ခဲ့သည်။
