၂၀၂၁ ခုနှစ်အတွင်း ဥရောပတွင် ဂျာစီအင်္ကျီ ရောင်းအားအကောင်းဆုံးအသင်းအဖြစ် ဘွန်ဒစ်လီဂါကလပ် ဘိုင်ယန်မြူးနစ်အသင်းက ရပ်တည်နိုင်ခဲ့ကြောင်း သိရသည်။
ယင်းစစ်တမ်းကို ကမ္ဘာ့ဘောလုံးအဖွဲ့ချုပ်(FIFA) က အသိအမှတ်ပြုထားသည့် Euromerica Sport Marketing ကုမ္ပဏီက တွက်ချက်ထုတ်ပြန်ခဲ့ခြင်းဖြစ်ပြီး ဘိုင်ယန်မြူးနစ်အသင်းက ၂၀၂၁ ခုနှစ်အတွင်း ဂျာစီ စုစုပေါင်း (၃.၂) သန်း ရောင်းချခဲ့ရကာ ဥရောပရှိ ဘောလုံးအသင်းများအနက် ထိပ်ဆုံးနေရာ ရပ်တည်နိုင်ခဲ့သည်။
၎င်း၏နောက်တွင် ရီးယဲလ်မက်ဒရစ်အသင်းက (၃)သန်း ဖြင့် ဒုတိယ၊ လီဗာပူးလ်အသင်းက (၂.၄) သန်းဖြင့် တတိယ၊ မန်ယူအသင်းက (၁.၉၅) သန်းဖြင့် စတုတ္ထ၊ ဂျူဗင်တပ်စ်အသင်းက (၁.၄၂) သန်းဖြင့် ပဥ္စမနေရာ ရပ်တည်ခဲ့သည်။
ယင်းနောက်တွင် ဘာစီလိုနာအသင်းက (၁.၃၄) သန်း၊ ချယ်လ်ဆီးအသင်းက (၁.၃၁) သန်း၊ ဒေါ့မွန်အသင်းက (၁.၁၈) သန်း၊ PSG အသင်းက (၁.၁၈) သန်း နှင့် မန်စီးတီးအသင်းက (၁.၀၈၇) သန်း ဖြင့် အဆင့် (၆) မှ အဆင့် (၁၀) အတွင်း အစဉ်လိုက် ရပ်တည်ခဲ့သည်။
ဂျာစီရောင်းအားအကောင်းဆုံး ထိပ်ဆုံး (၁၀) သင်းစာရင်းတွင် ပရီးမီးယားလိဂ်ကလပ်များက (၄)သင်းဖြင့် အများဆုံးပါဝင်နေပြီး ဘွန်ဒစ်လီဂါနှင့် လာလီဂါကလပ်များက (၂)သင်းစီ၊ စီးရီးအေနှင့် လီဂူး-၁ ကလပ် (၁)သင်းစီပါဝင်ကြောင်း သိရသည်။
ဂျာစီအင်္ကျီ ရောင်းချမှုမှာ ကပ်ရောဂါကာလတွင် ကလပ်အသင်းများ ဝင်ငွေရရှိရန် အဓိကကဏ္ဍတစ်ခုအဖြစ် ပါဝင်နေသည်။
