အက်သလက်တီကိုအသင်းသည် နည်းပြ ဆီမြွန်နီကို ၂၀၂၄ ခုနှစ်အထိ သက်တမ်းတိုးစာချုပ် ချုပ်ဆိုလိုက်ကြောင်း သိရသည်။
ဆီမြွန်နီသည် အက်သလက်တီကိုအသင်းကို ဆယ်စုနှစ်တစ်ခုကြာ ကိုင်တွယ်ခဲ့သူဖြစ်ပြီး ယင်းကာလအတွင်း ဆုဖလား(၈)လုံး ရယူပေးနိုင်ခဲ့သည်။
ဆီမြွန်နီ၏ လက်ရှိစာချုပ်သက်တမ်းမှာ ၂၀၂၂ ခုနှစ်တွင် ကုန်ဆုံးမည်ဖြစ်ပြီး အက်သလက်တီကိုအသင်းတာဝန်ရှိသူများက ၂၀၂၄ ခုနှစ်အထိ သက်တမ်းတိုးစာချုပ်သစ် ပြင်ဆင်ချုပ်ဆိုခဲ့ခြင်းလည်းဖြစ်သည်။
ပြီးခဲ့သည့်ရာသီက လာလီဂါချန်ပီယံဆု ရယူပေးနိုင်ခဲ့သည့် ဆီမြွန်နီကို သက်တမ်းတိုးနိုင်ခဲ့ခြင်းအတွက် အက်သလက်တီကိုအသင်းက ”စိတ်လှုပ်ရှားစရာ စီမံကိန်းတွေအတွက် ကျွန်တော်တို့ ရှေ့ဆက်သွားမှာပါ။ ဒီသတင်းက အသင်းရဲ့မိသားစုအတွက် ပျော်စရာဖြစ်ပါလိမ့်မယ်”ဟု ကြေညာချက်တွင် ဖော်ပြခဲ့သည်။
