မန်စီးတီးအသင်းနည်းပြ ဂွါဒီယိုလာက စပါးအသင်းနည်းပြသစ်ဖြစ်လာသည့် ကွန်တီအား ပရီးမီးယားလိဂ်မှ ကြိုဆိုနေကြောင်း ပြောကြားခဲ့သည်။
မန်ချက်စတာယူနိုက်တက်နှင့် သတင်းထွက်ခဲ့တဲ့ အန်တိုနီယိုကွန်တီသည် မနေ့က စပါးအသင်းနဲ့ ၁၈ လစာချုပ်ချုပ်ဆိုခဲ့ခြင်းဖြစ်သည်။
ဂျူဗင်တပ်စ်နှင့် အင်တာမီလန်နည်းပြဟောင်း ကွန်တီသည် ပရီးမီးယားလိဂ်ကလပ် ချယ်လ်ဆီးကိုလည်း ၂ ရာသီကြာ ကိုင်တွယ်ခဲ့ဖူးပြီး ပရီးမီးယားလိဂ်နှင့် အက်ဖ်အေဖလားတို့ကို ဆွတ်ခူးရယူခဲ့ဖူးသည်။
ပရီးမီးယားလိဂ်သို့ ကွန်တီပြန်လည်ရောက်ရှိလာတဲ့အပေါ် ဂွါဒီယိုလာက “ပထမဆုံးအနေနဲ့ အင်္ဂလန်က၊ ပရီးမီးယားလိဂ်ကနေ ကြိုဆိုလိုက်ပါတယ်။ ကွန်တီရဲ့ နည်းပြဘဝကိုကြည့်ရင် သူ ဘယ်လိုလူဆိုတာကို သိနိုင်ပါတယ်။ သူက နေရာတိုင်းမှာ အောင်မြင်မှု ရယူနိုင်ခဲ့တဲ့သူပါ။ တကယ်ကို ပြိုင်ဘက်ကင်းတဲ့့ နည်းပြတစ်ယောက်ဖြစ်ပါတယ်” လို့ ပြောကြားခဲ့သည်။
ကွန်တီနှင့် ဂွါဒီယိုလာတို့သည် နည်းပြဘဝတွင် ပြိုင်ဘက်အဖြစ် ၄ ကြိမ် ဆုံတွေ့ခဲ့ဖူးပြီး ၂ ပွဲစီ အနိုင်ရရှိထားသည်။
