အာဆင်နယ်နည်းပြ အာတီတာက စပါးအသင်းသို့ ကွန်တီ ရောက်လာခြင်းက ပရီးမီးယားလိဂ်ပြိုင်ပွဲအတွက် ပိုကောင်းကြောင်း ပြောကြားခဲ့သည်။
စပါးအသင်းသည် ယခုရာသီတွင် ရလဒ်များ ဆိုးရွားနေခြင်းကြောင့် နည်းပြ နူနိုဆန်တိုကို ရာထူးမှထုတ်ပယ်ကာ အင်တာမီလန်နည်းပြဟောင်း ကွန်တီကို နည်းပြအဖြစ် ခန့်အပ်ခဲ့သည်။
ဝက်ဖို့ဒ်အသင်းနှင့် ကစားမည့် ပရီးမီးယားလိဂ်ပွဲစဉ်အတွက် ပြုလုပ်သည့် မီဒီယာတွေ့ဆုံပွဲတွင် အာတီတာက ကွန်တီ ရောက်လာခြင်းမှာ ပရီးမီးယားလိဂ်ကို ပိုဆွဲဆောင်မှုရှိစေသည်ဟု ဆိုခဲ့ခြင်းဖြစ်သည်။
အာတီတာက “လက်ရှိ ဘောလုံးလောကမှာ ထိပ်တန်းနည်းပြတွေ အများကြီး မရှိပါဘူး။ ကွန်တီက ထိပ်တန်းနည်းပြတစ်ဦးဖြစ်ပြီး သူ ရောက်လာတာ ပရီးမီးယားလိဂ်အတွက် အပေါင်းလက္ခဏာ ဆောင်ပါတယ်။ ကွန်တီက စိတ်ကူးသစ်တွေနဲ့ သူ့ရဲ့နည်းပြအဆင့်အတန်းကို မြှင့်တင်နိုင်သူပါ။ သူ ရောက်လာတာကြောင့် ပရီးမီးယားလိဂ်ပြိုင်ပွဲမှာ ယှဉ်ပြိုင်မှု ပိုုပြင်းထန်လာမှာဖြစ်ပြီး ဆွဲဆောင်မှုလည်း ပိုရှိလာမှာပါ”ဟု ပြောကြားခဲ့သည်။
ထို့ပြင် အာတီတာက စပါးအသင်းသို့ ကွန်တီ ရောက်ရှိလာခြင်းကြောင့် ပရီးမီးယားလိဂ်တွင် အဆင့် (၄)အတွင်း ဝင်ရန် ယှဉ်ပြိုင်မှု ပိုမို ပြင်းထန်လာမည်ဖြစ်ကြောင်းလည်း ပြောကြားခဲ့သည်။
