အာဆင်နယ် – ဝက်ဖို့ဒ် (တနင်္ဂနွေည ၈း၃၀ နာရီ)
အာဆင်နယ်အတွက် နောက်ထပ်နိုင်ပွဲဆက်ဦးမယ့်ပွဲတစ်ပွဲပါ။ အသင်းရဲ့ လက်ရှိ Form က အကောင်းဆုံးအနေအထားကိုရောက်နေပြီး ဒီတစ်ပတ်က ထိပ်ဆုံး (၅)သင်း သို့မဟုတ် (၄)သင်းထဲ သေချာပေါက်တက်နိုင်အောင် ကြိုးစားရမယ့်အပတ်လည်းဖြစ် နေတယ်။ ဝက်ဖို့ဒ်က လျှော့မတွက်သင့်ပေမဲ့ ခြေမငြိမ်သေးတဲ့ အနေအထားမျိုးလည်း တွေ့ရတယ်။ အာဆင်နယ် အနိုင်သေချာတယ်။
အဲဗာတန် – စပါး (တနင်္ဂနွေည ၈း၃၀ နာရီ)
ကွန်တီ စပါးနည်းပြဖြစ်လာပြီး ပထမဆုံးပွဲမှာ ဘင်နီတက်ဇ်ရဲ့ အဲဗာတန်နဲ့ ဆုံ တွေ့နေတယ်။ ကွန်တီက Pick-up မြန်တဲ့၊ ကောင်းတဲ့နည်းပြဖြစ်လို့ အသင်းကို အချိန် ခပ်တိုတိုအတွင်း မာကျောအောင် လုပ်ပေးနိုင်လိမ့်မယ်လို့ ယူဆရတယ်။ ဒါပေမဲ့ ချက် ချင်းအထိုင်ကျဖို့ကတော့ မလွယ်သေးဘူး။ အဲဗာတန်ကလည်း ဒဏ်ရာပြဿနာတချို့ရှိ နေတဲ့အတွက် သရေလောက်ပဲ ဖြစ်မယ်ထင်တယ်။
လိဒ်စ် – လက်စတာ (တနင်္ဂနွေည ၈း၃၀ နာရီ)
လက်စတာက နောက်ဆုံးကစားခဲ့တဲ့ပွဲမှာ အာဆင်နယ်ကို အရှုံးပေးခဲ့ရပေမဲ့ ခြေ တက်နေတဲ့အသင်း၊ ရလဒ်တွေကောင်းနေတဲ့အသင်းပါ။ လိဒ်စ်က (၃)ပွဲဆက် နိုင်ပွဲပျောက် ခဲ့ပြီးမှ နောက်ဆုံးကစားခဲ့တဲ့ပွဲမှာ နောဝစ်ချ်ကို နိုင်ပွဲပြန်ရခဲ့တယ်။ ဒီပွဲက ကစားဟန်မတူ တဲ့ အသင်းနှစ်သင်းရဲ့ပွဲလို့ပြောလို့ရပြီး လက်ရှိအချိန်မှာ ကိုယ့်ပုံစံကို ထိန်းထားနိုင်တာ လက်စတာဖြစ်တယ်။ လက်စတာကိုပဲ ကြိုက်တယ်။
ဝက်စ်ဟမ်း – လီဗာပူးလ် (တနင်္ဂနွေည ၁၁း၀၀ နာရီ)
နောက်ဆုံးကစားခဲ့တဲ့ပွဲမှာ ဘရိုက်တန်နဲ့ မထင်မှတ်ဘဲ သရေကျခဲ့တာ လီဗာပူးလ်အတွက် အရမ်းနစ်နာတယ်။ ဒီပွဲမှာ လည်း ခက်ခဲတဲ့ပွဲကျပ်တစ်ပွဲနဲ့ ရင်ဆိုင်ရဦးမှာဖြစ်တယ်။ ဝက်စ်ဟမ်းက ဘရန့်ဖို့ဒ်ကို ရှုံးခဲ့ပြီးတဲ့နောက် ပြိုင်ပွဲစုံ နောက်ဆုံး (၅) ပွဲဆက် အနိုင်ရထားပြီး အသင်းလိုက်ခြေစွမ်းရော၊ စိတ်ပိုင်းဆိုင်ရာမှာပါ အမြင့်ဆုံးအခြေအနေကို ရောက်နေတယ်။ လီဗာပူးလ် ကလည်း ဘရိုက်တန်ကို သရေကျခဲ့တာကလွဲရင် အကောင်းဆုံးပုံစံပြသနေတဲ့အသင်းပါ။ ဒါပေမဲ့ ဝက်စ်ဟမ်းက အိမ်ကွင်းမှာ လီဗာပူးလ်ကို ဒုက္ခပေးနိုင်တဲ့အနေအထားမှာရှိပါတယ်။ ထိပ်တိုက်တွေ့ဆုံမှုတွေအရတော့ လီဗာပူးလ်က ဝက်စ်ဟမ်းကို နောက်ပိုင်းပွဲတွေမှာ ဆက်တိုက်အနိုင်ယူခဲ့တာတွေ့ရပြီး ဒီပွဲကတော့ အရင်ပွဲတွေထက် ပိုပြီးခက်ခဲလိမ့်မယ်လို့ သေချာပေါက် ပြောနိုင်တယ်။ ဝက်စ်ဟမ်း သရေလောက်တော့ ခံကစားနိုင်ပါလိမ့်မယ်။
