ဘာစီလိုနာအသင်းမှ ပြင်သစ်တိုက်စစ်ကစားသမား ဒမ်ဘီလီသည် အသင်းနှင့် သက်တမ်းတိုးစာချုပ် ချုပ်ဆိုရန် ဆွေးနွေးရာတွင် တစ်နှစ်လစာ ယူရို (၄၃)သန်းအထိ တောင်းဆိုခဲ့ကြောင်း သိရသည်။
ထို့ပြင် ချန်ပီယံလိဂ်ဖလားရရှိခဲ့ပါက ယူရို(၅)သန်း၊ လာလီဂါချန်ပီယံဖြစ်ခဲ့ပါက ယူရို(၂)သန်း ဆုကြေးထပ်ပေးရန်လည်း တောင်းဆိုခဲ့ကြောင်း သိရသည်။
ဒမ်ဘီလီသည် ယခုရာသီကုန်တွင် ဘာစီလိုနာအသင်းနှင့် စာချုပ်သက်တမ်းကုန်ဆုံးမည်ဖြစ်ပြီး ဒီဇင်ဘာလလယ်ပိုင်းတွင် အသင်းနှင့် စာချုပ်သစ်ချုပ်ဆိုရန် ဆုံးဖြတ်ခဲ့သည်ဟု စပိန်မီဒီယာများက ဖော်ပြခဲ့ကြသည်။
ဘာစီလိုနာအသင်း ဘဏ္ဍာရေးအကျပ်အတည်းများနှင့်ရင်ဆိုင်နေရချိန်တွင် ယခုကဲ့သို့ ဒမ်ဘီလီအနေဖြင့် ယခုကဲ့သို့ တောင်းဆိုခဲ့ခြင်းကြောင့် အသင်းဥက္ကဋ္ဌ လာပေါ်တာသည် ၎င်းကို ဒေါသထွက်နေကြောင်း သိရသည်။
ထို့ကြောင့် ဘာစီလိုနာအသင်းသည် ဒမ်ဘီလီကို ဇန်နဝါရီအပြောင်းအရွှေ့ကာလတွင် ရောင်းထုတ်ရန်သာ စီစဉ်နေပြီး ၎င်းကို ခေါ်ယူရန် နယူးကာဆယ်အသင်းက စိတ်ဝင်စားနေကြောင်း သိရသည်။
အသက် (၂၄)နှစ်အရွယ်ရှိ ပြင်သစ်တောင်ပံကစားသမား ဒမ်ဘီလီသည် ယခုရာသီတွင် ဒဏ်ရာပြဿနာများနှင့် ရင်ဆိုင်နေရပြီး ပြိုင်ပွဲစုံ (၈)ပွဲသာ ကစားရသေးကာ ဂိုးသွင်းယူနိုင်ခြင်းမရှိသေးပေ။
