ဒါဘီအသင်းနည်းပြအဖြစ် ဆောင်ရွက်နေသည့် အင်္ဂလန်ဂန္ထဝင်တိုက်စစ်မှူး ရွန်နီက အသင်းဟောင်း အဲဗာတန်နည်းပြရာထူးကို လက်မခံခြင်းနှင့်ပတ်သက်ပြီး ရှင်းလင်းပြောကြားမှုများ ပြုလုပ်ခဲ့သည်။
“အဲဗာတန်အသင်းက ကျွန်တော့်အေး ဂျင့်ထံ ချဉ်းကပ်ပြီး အလုပ်အတွက် အင်တာဗျူးလို့ ကမ်းလှမ်းခဲ့ပါတယ်။ ဒါပေမဲ့ ဒီကမ်းလှမ်းမှုကို ကျွန်တော် ပယ်ချခဲ့ပါတယ်။ ပရီးမီးယားလိဂ်မန်နေဂျာဖြစ်လာမယ်ဆိုတာ မိမိကိုယ်ကိုယ် ယုံကြည်ပြီး ရာနှုန်းပြည့်အသင့် ရှိနေပါတယ်။ ဒါပေမဲ့ ဒါဘီမှာ ကျွန်တော့်ရဲ့ အလုပ်ရှိနေသေးတယ်။ အဲဒါက ကျွန်တော့် အတွက် အရေးကြီးပါတယ်”ဟု ရွန်နီက ပြောကြားခဲ့သည်။
ရွန်နီသည် ကစားသမားဘဝတွင် အဲဗာတန်အသင်း၌ နှစ်ကြိမ်တိုင် ကစားခဲ့ပြီး ပြိုင်ပွဲစုံ ၁၁၇ ပွဲကစားခဲ့ကာ ၂၈ ဂိုး သွင်းယူခဲ့သည်။
