ယခုနှစ်တွင် ၂၀၂၂ ကမ္ဘာ့ဖလားပြိုင်ပွဲ ရှိနေသော်လည်း ဒီဇင်ဘာ(၂၆) Boxing Day ၌ ပရီးမီးယားလိဂ်(၇)ပွဲ ယှဉ်ပြိုင်ကစားသွားမည် ဖြစ်ကြောင်း ပရီးမီးယားလိဂ်အဖွဲ့ချုပ်က အတည်ပြုကြေညာခဲ့သည်။
၂၀၂၂ ကမ္ဘာ့ဖလားပြိုင်ပွဲကို နိုဝင်ဘာ (၂၀)မှ ဒီဇင်ဘာ(၁၈) အထိ ကျင်းပမည်ဖြစ်ပြီး ပရီးမီးယားလိဂ်ပြိုင်ပွဲကို နိုဝင်ဘာ(၁၃)တွင် အဆုံးသတ်၍ ဒီဇင်ဘာ(၂၆)တွင် ပြန်လည် စတင်ရန် စီစဉ်ထားသည်။
ထို့ကြောင့် ပရီးမီးယားလိဂ်ပြိုင်ပွဲဝင်ကစားသမားများအနေဖြင့် ကမ္ဘာ့ဖလားပြိုင်ပွဲမတိုင်မီ တစ်ပတ်အလိုအထိ ယှဉ်ပြိုင်ကစားရမည်ဖြစ်သလို၊ ကမ္ဘာ့ဖလား ပြိုင်ပွဲအပြီး တစ်ပတ်အကြာတွင် ပြန်လည်ယှဉ် ပြိုင်ရမည့်အခြေအနေဖြစ်သည်။
ယင်းအတွက် ဝေဖန်မှုအချို့ ရှိနေသော်လည်း ပရီးမီးယားလိဂ် အဖွဲ့ချုပ်ကမူ Boxing Day နှင့် နှစ်သစ်ကူးကာလပွဲစဉ်များကို အစဉ်အလာမပျက် ယှဉ်ပြိုင်ကစားသွားစေရန် ဆုံးဖြတ်ခဲ့ခြင်းဖြစ်သည်။
သို့ သော် ယင်းကာလအတွင်း၌ ကလပ်အသင်းများကို အနည်းဆုံး(၄၈)နာရီ အနားရအောင် ပွဲစဉ်များ စီစဉ်ထားကြောင်း ပရီးမီးယားလိဂ်အဖွဲ့ချုပ်က ဖော်ပြခဲ့သည်။
Boxing Dayတွင် ယှဉ်ပြိုင်ရမည့်(၇)ပွဲမှာ ဘရန့်ဖို့ဒ် – စပါး၊ ပဲလေ့စ် – ဖူလ်ဟမ်၊ အဲဗာတန် – ဝုလ်ဗ်၊ လက်စတာ – နယူးကာဆယ်၊ ဆောက်သမ်တန် – ဘရိုက်တန်၊ အက်စတွန်ဗီလာ – လီဗာပူးလ် နှင့် အာဆင်နယ် – ဝက်စ်ဟမ်းပွဲတို့ဖြစ်သည်။
ကျန်(၃)ပွဲမှာမူ ဒီဇင်ဘာ (၂၇)နှင့် (၂၈)ရက်များ၌ ဆက်လက်ယှဉ်ပြိုင်ရမည်ဖြစ်ကြောင်း သိရသည်။
 Boxing Day ၌ ပရီးမီးယားလိဂ်(၇)ပွဲ ယှဉ်ပြိုင်ကစားသွားမည် ဖြစ်ကြောင်း ပရီးမီးယားလိဂ်အဖွဲ့ချုပ်က အတည်ပြုကြေညာခဲ့သည်။){kind=link}