ခရစ္စတယ်ပဲလေ့စ်တောင်ပံကစားသမား ဇာဟာသည် အသင်းနှင့်စာချုပ်သစ်ချုပ်ဆိုရန် သဘောတူညီမှုမရသေးကြောင်း Daily Mail က ဖော်ပြခဲ့သည်။
ဇာဟာ (၂၉ နှစ်)သည် ယခုရာသီကုန်တွင် ပဲလေ့စ်အသင်းနှင့် စာချုပ်သက်တမ်း ကုန်ဆုံးမည်ဖြစ်ကြောင်းသိရသည်။ ပဲလေ့စ်အသင်းသည် လက်ရှိ တစ်ပတ်လစာ ပေါင်(၁၃၀၀၀၀) ရရှိနေသည့် ဇာဟာကို မက်လောက်ဖွယ် လစာငွေတစ်ရပ်ဖြင့် ကမ်းလှမ်းထားသော်လည်း ကစားသမားဘက်ကမူ တုံ့ပြန်မှုမရှိသေးကြောင်း သိရသည်။
ဇာဟာသည် ဆုဖလားများစိန်ခေါ်နိုင်သည့် အသင်းများထံ ပြောင်းရွှေ့ကစားရန် စိတ်ဝင်စားနေကြောင်းလည်း Daily Mail က ဖော်ပြခဲ့သည်။
ဇာဟာသည် ခရစ္စတယ်ပဲလေ့စ်အသင်းအတွက် ယခုရာသီ ပရီးမီးယားလိဂ်ပွဲစဉ် ၁၁ ကစားထားပြီး ၅ ဂိုးသွင်းယူထားသည်။
