၂၀၂၂ ကမ္ဘာ့ဖလားပြိုင်ပွဲ အိမ်ရှင်အဖြစ် ကာတာနိုင်ငံကို ကျင်းပခွင့်ပေးခြင်းသည် မှားယွင်းမှုတစ်ခုဟု ကမ္ဘာ့ဘောလုံးအဖွဲ့ချုပ် (FIFA) ဥက္ကဋ္ဌဟောင်း ဆပ်ဘလတ္တာက ဝန်ခံခဲ့သည်။
အသက် ၈၆ နှစ်အရွယ်ရှိပြီဖြစ်သူ ဆပ်ဘလတ္တာသည် ကာတာနိုင်ငံကို ကမ္ဘာ့ဖလားအိမ်ရှင်အဖြစ် ရွေးချယ်ခဲ့သည့် ၂၀၁၀ ပြည့်နှစ်တွင် FIFA ဥက္ကဋ္ဌရာထူးကို ရယူထားသူ ဖြစ်သည်။
ကမ္ဘာ့ဖလားအိမ်ရှင်ရွေးချယ်ပွဲ၌ FIFA အမှုဆောင်ကော်မတီ၏ မဲပေးမှုတွင် ကာတာနိုင်ငံက ၁၄-၈ မဲဖြင့် အမေရိကန်ကို အနိုင်ယူပြီး ကမ္ဘာ့ဖလားပြိုင်ပွဲ ကျင်းပခွင့်ရရှိခဲ့ခြင်းဖြစ်သည်။
ဆပ်ဘလတ္တာက သူ့အနေဖြင့် အမေရိကန်ကို မဲပေးခဲ့ပြီး ကာတာကို ပြောင်းလဲမဲပေးခဲ့သည့် ပလာတီနီကိုလည်း ပြစ်တင်ဝေဖန်ခဲ့သည်။ “ဒါက ဆိုးရွားတဲ့ ရွေးချယ်မှုတစ်ခုပါ။ အဲဒီအချိန်မှာ ဥက္ကဋ္ဌရာထူးကို ရယူထားလို့ ကျွန်တော့်မှာ တာဝန်အပြည့် ရှိပါတယ်။ ပလာတီနီနဲ့ သူ့ရဲ့ UEFA အဖွဲ့က ပေးတဲ့ လေးမဲအတွက် ကျေးဇူးတင်ပါတယ်။ ဒီမဲတွေကြောင့် ကမ္ဘာ့ဖလားဟာ အမေရိကန်အစား ကာတာကို ရောက်သွားတာပါ။ ဒါက အမှန်တရားပါပဲ” ဟု ဆွစ်သတင်းစာ Tages Anzeiger နှင့်အင်တာဗျူးတွင် ပြောကြားခဲ့သည်။
ဘလတ္တာသည် ပလာတီနီထံ ဆွစ်ဖရန့်နှစ်သန်းအား လွှဲပြောင်းပေးမှုအတွက် ရာထူးမှ နုတ်ထွက်ခဲ့ရပြီး အစောပိုင်းတွင် ဘောလုံးနှင့်ပတ်သက်ခွင့် ရှစ်နှစ်ပိတ်ပင်ခံခဲ့ရကာ FIFA ၏ ကျင့်ဝတ်များစွာကို ချိုးဖောက်မှုဖြင့် ၂၀၂၁ မတ်လတွင် ၂၀၂၈ ခုနှစ်အထိ ပြစ်ဒဏ်တိုးမြှင့်ခြင်းခံခဲ့ရသည်။
 ဥက္ကဋ္ဌဟောင်း ဆပ်ဘလတ္တာက ဝန်ခံခဲ့သည်။){kind=link}