ဂန်းနားသစ် ဟာဗက်ဇ် နဲ့ ပတ်သက်ပြီး ပရိသတ်တွေ သိထားသင့်တဲ့ စိတ်ဝင်စားဖွယ် အကြောင်းအရာများ

၁ ။ ဟာဗက်ဇ် က အာဆင်နယ် အသင်းမှာ လာရောက် ကစားတဲ့ 12 ယောက်မြောက် ဂျာမနီ ကစားသမားပါ ၊ အာဆင်နယ် အသင်းမှာ နောက်ဆုံး ကစားခဲ့တဲ့ ဂျာမနီ ကစားသမား ကတော့ လီနို ဖြစ်ပါတယ် ။ အာဆင်နယ် အသင်းမှာ ကစားခဲ့ဖူးတဲ့ ဂျာမနီ ကစားသမားတွေကတော့ လီနို ၊ အိုဇေးလ် ၊ မူစတာဖီ ၊ မာတီဆက်ကာ ၊ နာဘရီ ၊ လေမန်း ၊ ပိုဒေါစကီး ၊ သောမက်စ်အိစ်ဖယ် ၊ မောရစ်ဗောဇ့် ၊ စတီဖန်မယ်ဇ် ၊ အယ်ဘာတိုမန်ဒက်ဇ် တို့ပါ ။

၂ ။ ဟာဗက်ဇ် ဟာ အာဆင်နယ် အသင်းမှာ ကျောနံပါတ် ၂၉ ဝတ်ဆင် ကစားမှာ ဖြစ်ပြီး သူ့ ကလပ် ကစားသမား ဘဝ တစ်လျှောက် ကျောနံပါတ် ၂၉ တခုတည်းကိုသာ ဝတ်ဆင် ကစားခဲ့သူပါ ။ အာဆင်နယ် အသင်းမှာ ကျောနံပါတ် ၂၉ ကို နောက်ဆုံး ဝတ်ဆင် ကစားခဲ့သူက ဂွမ်ဒူဇီ ဖြစ်ပြီး ရှာ​ကာ ၊ ချာမက်ခ် ၊အက်ရှ်လေကိုးလ် နှင့် ကယ်စထရွန်တို့လည်း ဝတ်ဆင် ကစားခဲ့ဖူးပါတယ် ။

၃ ။ ကိုင်က အသက် ၄ နှစ် အရွယ်ကတည်းက သူ့အဖိုး ဥက္ကဌ အဖြစ် တာဝန်ယူထားတဲ့ ဘောလုံး အသင်းမှာ ဘောလုံး ဝင်ကစားခဲ့သူပါ ။ ဟာဗက်ဇ် ရဲ့မိသားစုဝင်တွေက သူတို့ ပြည်တွင်း ကလပ် Alemannia Aachen ရဲ့ပရိသတ် ဖြစ်ပေမယ့် ဟာဗက်ဇ် ကတော့ ဘာစီလိုနာ အမာခံ ပရိသတ် ဖြစ်ပါတယ် ။ အီတူး နှင့် ရော်နယ်ဒင်ညို ကစားတာကို ကြည့်ရတာ နှစ်သက်ခဲ့သူ ဖြစ်ပြီး ၂၀၀၆ ခုနှစ် UCL Final ကိုလည်း ကြည့်ခဲ့ဖူးပါတယ် ။

၄ ။ ဟာဗက်ဇ် ဟာ ၂၀၁၈-၁၉ ဘောလုံးရာသီ အတွင်း သွင်းဂိုး ၁၇ ဂိုးနဲ့ ဘွန်ဒက်စ်လီဂါ သမိုင်းတစ်လျှောက် တစ်ရာသီ အတွင်း ဂိုးအများဆုံး သွင်းနိုင်တဲ့ ဆယ်ကျော်သက် ကစားသမား အဖြစ် စံချိန်သစ် တင်နိုင်ခဲ့သူ ဖြစ်ပါတယ် ။ ဟာဗက်ဇ် ဟာ ဘွန်ဒက်စ်လီဂါ သမိုင်းတစ်လျှောက် သွင်းဂိုး ၅၀၀၀၀ မြောက်ဂိုး ဖြစ်စေမယ့် သွင်းဂိုးကို အသင်းဖော် အတွက် ဖန်တီး ပေးခဲ့သူပါ ။ ဟာဗက်ဇ် ဟာ ဘွန်ဒက်စ်လီဂါ ပွဲ၁၀၀ ပြည့်တဲ့ အသက်အငယ်ဆုံး ကစားသမား လည်း ဖြစ်ပါတယ် ။

၅ ။ ဟာဗက်ဇ် က ပညာရေး ကို တခြားအရာတွေထက် ပိုပြီး ဦးစားပေးသူပါ ၊ ကစားသမား အများစုက ဘောလုံးပွဲကို ဒဏ်ရာ ပြဿနာ ပွဲပယ် ပြစ်ဒဏ် ပုဂ္ဂိုလ်ရေး ပြဿနာတွေကြောင့် လွဲချော်လေ့ ရှိကြပေမယ့် ဟာဗက်ဇ် ကတော့ သူ့ရဲ့ ပွဲဦးထွက် ရာသီမှာ ပညာရေးကြောင့် ပွဲအချို့ကို လွဲချော်ခဲ့ဖူးပါတယ် ။ ကျောင်းပညာရေးကြောင့် လေဗာကူဆင် နဲ့ အက်သလက်တီကို မက်ဒရစ် တို့ ကစားတဲ့ ချန်ပီယံလိဂ် ပွဲကိုတောင် လွဲချော် ခဲ့သူပါ ။

၆ ။ ဟာဗက်ဇ် က ယူ၂၁ အဆင့် မကစားရဘဲနဲ့ ယူ၁၉ ကနေ လက်ရွေးစင် ကစားသမား တန်းဖြစ်လာခဲ့တဲ့အထိ ဂျာမနီ နည်းပြ မျက်စိကျအောင် စွမ်းဆောင် နိုင်ခဲ့သူ ဖြစ်ပါတယ် ။

၇ ။ ဟာဗက်ဇ် က ပီယာနို တီးရတာ ကို ခုံမင် နှစ်သက်သူလည်း ဖြစ်ပါတယ် ၊ ဘွန်ဒက်စ်လီဂါ မှာတုန်းက ဟာဗက်ဇ် ရဲ့ နာမည်ပြောင် က ‘ Alleskooner’ ပါ ၊ အဓိပ္ပါယ်ကတော့ someone who can do anything ပါ ၊ ဘယ်အရာကိုမဆို လုပ်နိုင်စွမ်းသူ ရှိသူပေါ့ဗျာ ၊ ဂျာမန် မီဒီယာတွေက ဟာဗက်ဇ် ရဲ့ နေရာစုံ ကစားနိုင်စွမ်း ကို တင်စား ခေါ်ဝေါ် တာ ဖြစ်ပါတယ် ။

၈ ။ ဟာဗက်ဇ် က မြည်း ချစ်တဲ့ သူ တစ်ဦးပါ ၊ ငယ်ငယ်လေးကတည်းက မြည်း မွေးဖို့ စိတ်ကူး အိပ်မက် ခဲ့သူ ဖြစ်ပြီး အခု အချိန်မှာလည်း မြည်းလေးကောင် မွေးထားပါတယ် ။ သူ စွမ်းဆောင်ရည် ကျဆင်းတိုင်း မြည်းတွေဆီ သွားလည်ပြီး စိတ်အပန်းဖြေလေ့ ရှိပါတယ် ။

၉ ။ ဟာဗက်ဇ် က ဘားလက်ခ် ၊ အိုဇေးလ် တို့နဲ့ မကြာခဏ နှိုင်းယှဉ် ချီးကျူး ခံရသူပါ ။ ဟာဗက်ဇ် ကတော့ သူဟာ အိုဇေးလ် နဲ့ ကစားပုံ ပိုဆင်တူပြီး အိုဇေးလ် ဆီကနေ လေ့လာ သင်ယူ ခဲ့တာ ဖြစ်ကြောင်း ပြောကြား ထားဖူးပါတယ် ။