အာဆင်နယ် အသင်း နှင့် မေဂျာလိဂ် ဘောလုံး All-Stars အသင်းတို့ဟာ ဒီကနေ့ မနက်ပိုင်းမှာ Skills Challenge ပြိုင်ပွဲ ကစားခဲ့ကြပါတယ် ။ အာဆင်နယ် အသင်းဟာ MLS All-Stars အသင်းကို Challenge ၄ ပွဲမှာ အနိုင်ယူပြီး ၄-၁ နဲ့ ချန်ပီယံ ဖြစ်ခဲ့ပါတယ် ။
အာဆင်နယ် အသင်းဟာ Shooting Challenge ၊ Touch Challenge ၊ Passing Challenge နှင့် Crossbar Challenge တွေမှာ MLS All-Stars အသင်းကို အနိုင်ရခဲ့ပြီး Cross and Volley Challenge မှာတော့ အရေးနိမ့် ခဲ့ရပါတယ် ။ အာဆင်နယ် အသင်း အရေးနိမ့်ခဲ့တဲ့ Cross and Volley Challenge ကို ဦးဆောင် ကန်သွင်းခဲ့သူတွေက ဟာဗက်ဇ် နှင့် ဘာလိုဂန် တို့ပါ ။
ဟာဗက်ဇ် ဟာ တဖက်ကနေ ဖြတ်တင် ပေးပို့လိုက်တဲ့ ဘောလုံးကို ဂိုးပေါက် နဲ့ ၁၄ ကိုက် အကွာကနေ ကန်သွင်းရာမှာ ဂိုးဝင်အောင် ကန်သွင်းနိုင်ခဲ့ခြင်း မရှိဘဲ ကန်ချက် အများစု ဟာ ဂိုးဘားတန်းကိုပဲ ကျော်ထွက် သွားခဲ့ကာ ရမှတ် သုည သာ ရခဲ့ပါတယ် ။ ဘာလိုဂန် ကတော့ သုံးဂိုး ဝင်အောင် သွင်း နိုင်ခဲ့ပါတယ် ။
ဒါကိုတွေ့တဲ့ ချဲလ်ဆီး ပရိသတ်တွေကတော့ မဆိုင်းမတွ ပဲ တွစ်တာမှာ ဟာဗက်ဇ် ကို troll နေကြပြီ ဖြစ်ပါတယ် ။ ပရိသတ် တစ်ဦးကတော့ ဟာဗက်ဇ် ဟာ မေဂျာလိဂ် All-Stars Cross and Volley Challenge သမိုင်းတစ်လျှောက် ရမှတ် တစ်မှတ်မှ မရတဲ့ ပထမဆုံး ကစားသမား ဖြစ်လာခဲ့ပြီလို့ လှောင်ပြောင်ခဲ့ပြီး အခြား ပရိသတ် တစ်ဦးကလည်း ဟာဗက်ဇ် ဟာ တီမို ဗာနာ pro max ဖြစ်တယ်လို့ စနောက်ခဲ့ပါတယ် ။ နောက်ထပ် ပရိသတ် တစ်ဦးကလည်း ဟာဗက်ဇ် ဟာ ဘောလုံးသမား စစ်စစ် တစ်ဦးမှ ဟုတ်ရဲ့လား လို့ မေးခွန်းထုတ် လှောင်ပြောင် ခဲ့ပါတယ် ။
ဟာဗက်ဇ် ဟာ Cross and Volley Challenge မှာ ရမှတ် တစ်မှတ် မှ မရခဲ့ပေမယ့် Touch Challenge မှာတော့ အာဆင်နယ် အတွက် တစ်ဦးတည်း ရမှတ် ၈၆ မှတ် အထိ ရှာဖွေ ပေးနိုင်ခဲ့ပါတယ် ။
