အာဆင်နယ် အသင်း ရဲ့ စံချိန်တင် ပြောင်းရွှေ့ကြေး ရှင် ဒက်ကလန်ရိုက်စ် ဟာ Sky Sports နဲ့ အင်တာဗျူးမှာ သူနဲ့ chemistry အမိဆုံး အသင်းဖော် က ဘယ်သူလဲ ဆိုတာ ကို ထုတ်ဖော် ပြောကြား သွားခဲ့ပါတယ် ။ ဒက်ကလန်ရိုက်စ် နဲ့ အရင်းနှီးဆုံး ဖြစ်နေတဲ့ ကစားသမား ကတော့ ဆာကာ ဟုတ်မနေဘဲ ပရိသတ်တွေ အံ့အားသင့်သွားစေမယ့် ကစားသမား တစ်ဦး ဖြစ်နေပါတယ် ။
” ခင်ဗျားတို့ သိကြလား ၊ အသင်းကို စရောက်တဲ့ ပထမဆုံးနေ့ကတည်းက ကျနော် နဲ့ အတွဲမိနေတာက ထရောဆက်ဒ် ပါ ၊ ခင်ဗျားတို့အနေနဲ့ ကျနော့်တို့ နှစ်ယောက်ကိုသာ ကွင်းထဲ အတူ ကစားခိုင်းရင် ပြိုင်ဘက်အတွက် တကယ်လွယ်မှာ မဟုတ်ပါဘူး ။ သူက တကယ့်ကို ထိပ်တန်း ကစားသမား တစ်ဦးပါ ။ ”
” လေယာဉ် ပေါ်မှာလည်း သူ့ဘေးနား ထိုင်တာဆိုတော့ အချိန်တော်တော်များများကို သူနဲ့ အတူ ကုန်ဆုံး ဖြစ်ပါတယ် ။ သူက ဘက်စုံတော်တဲ့ လူတော်လူကောင်း တစ်ဦးပါ ၊ ကျနော် နှင့် သူက တော်တော်လေး အဆင်ပြေတာပါ ၊ အရင်တုန်းက သူ့ကို ပြိုင်ဘက် နဲ့ ရင်ဆိုင် ကစားခဲ့ဖူးတော့ သူက ဘယ်လောက် အထိ ဒုက္ခပေးနိုင်တဲ့ ကစားသမားလဲ ဆိုတာ ကျနော် သိပါတယ် ၊ ဒါကြောင့် သူနဲ့ အတူ တစ်သင်းတည်း ကစားရတာက ကောင်းပါတယ် ၊ သူက ထိပ်တန်း အရည်အသွေး ရှိတဲ့ ကစားသမား တစ်ဦးပါ ။ ”
” ဒါပေမဲ့ ထရောဆက်ဒ် မှ မဟုတ်ပါဘူး ၊ အာဆင်နယ် မှာ ရှိတဲ့ ဘရာဇီးသားတွေ ၊ ပြင်သစ်သားတွေ ၊ ပေါ်တူဂီသားတွေ နှင့် ကစားသမားအားလုံးက ထိပ်တန်း ကစားသမားတွေချည်းပါပဲ ။ ပြင်ပ ကနေ ကြည့်တာနဲ့တင် အာဆင်နယ် အသင်းက မိသားစု အကြီးကြီးလို ဖြစ်နေတဲ့ အသင်း တစ်သင်း ဆိုတာ မြင်သာပါတယ် ၊ အဝတ်လဲခန်း အတွင်းမှာလည်း ကျနော်တို့က လုံးဝ မိသားစုကြီးတစ်စုလိုပါပဲ ။ ” လို့ ပြောကြား သွားခဲ့ပါတယ် ။
