မန်စီးတီးအသင်းသည် လိုက်ပ်ဇစ်အသင်းမှ ခရိုအေးရှားနောက်ခံလူ ဂီဗာဒီယိုလ်ကို ပေါင် (၇၇) သန်း(ယူရို သန်း ၉၀)ဖြင့်ခေါ် ယူရန် သဘောတူညီမှုရရှိခဲ့ကြောင်း BBC Sport က ဖော်ပြခဲ့သည်။
အသက် ၂၁ နှစ်အရွယ်သာရှိသေးသူ ဂီဗာဒီယိုလ်၏အပြောင်းအရွှေ့တွင် Add-ons ကြေးမပါဝင်သောကြောင့် ၂၀၁၉ ခုနှစ်က လက်စတာအသင်းမှ မန်ယူအသင်းသို့ ပေါင် သန်း ၈၀ ဖြင့် ပြောင်းရွှေ့ခဲ့သည့် အင်္ဂလန်နောက်ခံလူ မက်ဂွိုင်းရား၏ ကမ္ဘာ့တန်ဖိုးအမြင့်ဆုံးနောက်ခံလူစံချိန်ကို ချိုးဖျက်နိုင်ခြင်းမရှိခဲ့ကြောင်း သိရသည်။
ဂီဗာဒီယိုလ်သည် ၂၀၂၁ ခုနှစ်တွင် ဒိုင်နမိုဇာဂရက်အသင်းမှ ပြောင်းရွှေ့လာပြီးကတည်းက လိုက်ပ် ဇစ်အသင်း၏ အဓိကကစားသမားတစ်ဦး ဖြစ်ခဲ့ပြီး ပြိုင်ပွဲစုံ ၈၇ ပွဲအထိ ကစားပေးခဲ့သူ ဖြစ်သည်။
၎င်းအနေဖြင့် ယခုရက်သတ္တပတ်နှောင်းပိုင်းတွင် အင်္ဂလန်သို့ သွားရောက်ဖွယ်ရှိနေပြီး သတင်းအချို့ကမူ သောကြာနေ့တွင် မန်စီးတီးအသင်းနှင့် ဆေးစစ်မှုခံယူသွားမည်ဟု အတိအလင်းဖော်ပြလျက်ရှိသည်။
ပြီးခဲ့သည့်ရက်သတ္တပတ်တွင် လိုက်ပ်ဇစ်အသင်းက ပေါင် ၈၆ သန်း(ယူရို သန်း ၁ဝဝ)နှင့်အ ထက်ရရှိမှ ရောင်းချမည်ဟုဆိုခဲ့သောကြောင့် အပြောင်းအရွှေ့မှာ ပိုကြည့်ကြာခဲ့ခြင်းဖြစ်သည်။
ဂီဗာဒီယိုလ်၏အသင်းဟောင်းဖြစ်သည့် ယခုအပြောင်းအရွှေ့မှ ၂၀ ရာခိုင်နှုန်း အထိ အကျိုးခံစားခွင့်ရှိမည်ဖြစ်ကြောင်း သိရသည်။
ခရိုအေးရှားလက်ရွေးစင်အသင်းအတွက် ၂၁ ပွဲ ကစားပေးထားသူ ဂီဗာဒီယိုလ်အနေဖြင့် လွန်ခဲ့သည့်နှစ်လခန့်ကတည်းက မန်စီးတီးအသင်းနှင့် ပုဂ္ဂိုလ်ရေးသဘောတူညီမှု ရရှိထားခြင်းဖြစ်သည်။
