ရီးယဲလ်မက်ဒရစ်အသင်းနှင့် လမ်းခွဲထားသည့် ဘယ်လ်ဂျီယံတိုက်စစ်ကစားသမား အေဒင်ဟာဇက်သည် ကစားသမားဘဝမှ အနားယူဖွယ်ရှိနေကြောင့် အားကစားမီဒီယာအများအပြားက ဖော်ပြခဲ့သည်။
Get Football News Frence က ဖော်ပြသည့်သတင်းတွင် ဟာဇက်ကို ခေါ်ယူရန် စိတ်ဝင်စားသည့် အသင်းအများအပြားရှိနေသော်လည်း ၎င်းအနေဖြင့် ကစားသမားဘဝမှ အနားယူရန် ပိုမိုစိတ်အားထက်သန်လျက်ရှိကြောင်း သိရသည်။
အသက် ၃၂ နှစ်အရွယ်ရှိ ဟာဇက်သည် မေဂျာလိဂ်ကလပ် ဗန်ကူးဗားဝှိုက်ကပ်စ်၊ ဆော်ဒီပရိုလိဂ်ကလပ်များ နှင့် သတင်းထွက်ခဲ့သည့်အပြင် ပြင်သစ်မြေသို့ ပြန်ဖွယ်ရှိသည်ဟုလည်း ယူဆမှုများရှိခဲ့သည်။ ချယ်လ်ဆီကစားသမားဟောင်း ဟာဇက်အနေဖြင့် ကလပ်အသင်းခြောက်သင်း၏ ကမ်းလှမ်းမှုကို ပယ်ချခဲ့ကြောင်း သိရသည်။
၎င်းသည် ၂၀၂၂ ကာတာကမ္ဘာ့ဖလားပြိုင်ပွဲ အုပ်စုအဆင့်မှ မိခင်နိုင်ငံ ဘယ်လ်ဂျီယံအသင်း ထွက်ခဲ့ရပြီးနောက် လက်ရွေးစင်ကစားသမားဘဝမှ အနားယူထားခဲ့သည်။
ဟာဇက် အနေဖြင့် ပြီးခဲ့သည့်ရာသီက အမှတ်ပေးပွဲ ခြောက်ပွဲသာ ကစားခဲ့ရပြီး ရီးယဲလ်ကစားသမားဘဝ လေးရာသီအတွင်း ဒဏ်ရာပြဿနာများကြောင့် ပြိုင်ပွဲစုံ ၇၆ ပွဲသာကစားခဲ့ရကာ စုစုပေါင်း ခုနစ်ဂိုးသာ သွင်းယူနိုင်ခဲ့ကြောင်း သိရသည်။
