ဘရိုက်တန်အသင်း၏နည်းပြ ဒစ်ဇယ်ဘီက စပိန်ကြယ်ပွင့်ကစားသမား အန်ဆူဖာတီနှင့် အလုပ်တွဲ လုပ်ရမည့်အခြေအနေအတွက် စိတ်လှုပ်ရှားမိသည်ဟု ပြောကြားခဲ့သည်။
ဘရိုက်တန်အသင်းသည် ဘာစီလိုနာအသင်း၏ တိုက်စစ်ကစားသမား အန်ဆူဖာတီကို တစ်ရာသီအငှားစာချုပ်ဖြင့် ခေါ်ယူခဲ့ခြင်းဖြစ်သည်။
”သူက တောင်ပံမှာလည်း ကစားနိုင်တယ်။ နံပါတ်(၁၀)နေရာမှာလည်း ကစားနိုင်တယ်။ တိုက်စစ်မှူးအဖြစ်လည်း ကစားနိုင်ပါတယ်။ သူက အသင်းမှာရှိတဲ့ တိုက်စစ်ကစားသမားတိုင်းနဲ့ တွဲဖက်ကစားနိုင်မယ့်သူပါ။ ဒါပေမဲ့ ပထမဆုံးကတော့ သူ့ကို အသင်းမှာ ပျော်ရွှင်နေစေချင်ပါတယ်။ သူနဲ့တွဲပြီး အလုပ်လုပ်ရမှာ စိတ်လှုပ်ရှားမိပါတယ်”ဟု ဒစ်ဇယ်ဘီက ပြောကြားခဲ့သည်။
