အာဆင်နယ်ဝါရင့်ကွင်းလယ်ကစားသမား ဂျော်ဂျင်ဟိုအနေဖြင့် စီးရီးအေသို့ ပြန်လည်ပြောင်းရွှေ့နိုင်ကြောင်း ၎င်း၏အေးဂျင့်ဖြစ်သူက ပြောကြားခဲ့သည်။
ဂျော်ဂျင်ဟို(၃၁ နှစ်)သည် ယခုရာသီတွင် အာဆင်နယ်၌ ပုံမှန်ပွဲထွက်ခွင့်ရရန် ရုန်းကန်နေရပြီး ကမ်းလှမ်းမှုများရှိလာပါက ဇန်နဝါရီတွင် စီးရီးအေသို့ ပြန်လည် ပြောင်းရွှေ့ဖွယ်ရှိနေကြောင်း သိရှိရသည်။
ဂျော်ဂျင်ဟို၏အေးဂျင့်ဖြစ်သူက “အီတလီက သူ့နှလုံးသားမှာ အမြဲရှိပါတယ်။ အီတလီကလပ်တွေအနေနဲ့ ဂျော်ဂျင်ဟိုကို လိုချင်လာမယ်ဆိုရင် ဘာတွေဖြစ်လာမလဲ ကြည့်ရမှာပါ။ စီးရီးအေကိုပြောင်းဖို့ သူမငြင်းပါဘူး” ဟု ပြောကြားခဲ့သည်။
