ဘာစီလိုနာလူငယ်တိုက်စစ်မှူး အန်ဆူဖာတီသည် Goal.com မှ ချီးမြှင့်သည့် NXGN 2021 အကောင်းဆုံးလူငယ်ကစားသမားဆုကို ရရှိခဲ့ကြောင်း သိရှိရသည်။
Goal.com သည် ၂၀၁၆ ခုနှစ်မှ စတင်ကာ ၎င်းတို့ဂျာနယ်လစ်များ၏ မဲပေးရွေးချယ်မှုဖြင့် NXGN ဆုကို ရွေးချယ်ပေးအပ်ခဲ့ခြင်းဖြစ်သည်။
ယခု NXGN 2021 အကောင်းဆုံးလူငယ်ကစားသမားဆုအတွက် ၂၀၀၂ ဇန်နဝါရီ (၁)ရက်နှင့် နောက်ပိုင်း မွေးဖွားသည့် လူငယ်ကစားသမားများထဲမှ ရွေးချယ်ခဲ့ခြင်း ဖြစ်သည်။
Goal.com သည် ဂျာနယ်လစ်များ၏ မဲပေးရွေးချယ်မှုအရ အကောင်းဆုံးလူငယ်ကစားသမား (၅၀) ဦးစာရင်းကို ထုတ်ပြန်ခဲ့ပြီး အန်ဆူဖာတီက နံပါတ်(၁)နေရာတွင် ဖော်ပြခံခဲ့ရခြင်းဖြစ်သည်။
အသက် (၁၈)နှစ်အရွယ်ရှိ စပိန်တိုက်စစ်မှူး အန်ဆူဖာတီသည် ယခုရာသီတွင် ဒဏ်ရာပြဿနာများနှင့် ရုန်းကန်နေရသော်လည်း ဘာစီလိုနာအတွက် ပြိုင်ပွဲစုံ (၁၀)ပွဲတွင် (၅)ဂိုးသွင်းယူပေးထားသည်။
