လီဗာပူးလ်အသင်းနည်းပြ ယာဂန်ကလော့ပ်က လာမည့်မေလတွင် ဘောလုံးကွင်းများအတွင်းသို့ ပရိသတ်များ ပြန်လည်ဝင်ရောက်ခွင့်ရရှိခဲ့လျှင် ဥရောပစူပါလိဂ်ပြိုင်ပွဲဂယက်အတွက် လှောင်ပြောင်မှုများကို ပိုမိုခံရနိုင်ကြောင်း သုံးသပ်ပြောကြားခဲ့သည်။
ကလော့ပ်၏ လီဗာပူးလ်အသင်းသည် ဥရောပစူပါလိဂ်ပြိုင်ပွဲတွင် မူလကပါဝင်ခဲ့သည့်အသင်းတစ်သင်းဖြစ်ပြီး ယခုအခါ ယင်းကဲ့သို့ပါဝင်ခဲ့ခြင်းအတွက် ပရိသတ်များထံမှ ပြစ်တင်ရှုတ်ချမှုများကို ခံနေရသည်။
ကလော့ပ်က ”တကယ်လို့သာ ဘောလုံးကွင်းတွေထဲကို ပရိသတ်တွေ ပြန်ဝင်ခွင့်ရခဲ့မယ်ဆိုရင် အခြေအနေတွေက အခုထက်ပိုပြီး ဆိုးလာနိုင်ပါတယ်။ ကျွန်တော်ကတော့ ဒါကို မျှော်လင့်ပြီးသားဖြစ်လို့ သိပ်ပြီး မစိုးရိမ်မိပါဘူး။ ဘောလုံးပရိသတ်တွေဆိုတာ ဒီလိုပါပဲ။ ကျွန်တော်တို့ လီဗာပူးလ်တစ်သင်းတည်းမဟုတ်ပါဘူး” ဟု ပြောကြားခဲ့သည်။
