စပါးအသင်းအားပေးသူများအဖွဲ့အစည်းဖြစ်သည့် Tottenham Hotspur Supporters’ Trust သည် စပါးအသင်းဘုတ်အဖွဲ့အား ရာထူးမှနုတ်ထွက်ရန် တောင်းဆိုလိုက်ကြောင်း သိရှိရသည်။
ယခုရာသီတွင် ပရီးမီးယားလိဂ်ထိပ်ဆုံး (၄)သင်းစာရင်းဝင်ရန် ရုန်းကန်နေရသော စပါးအသင်းသည် ဥရောပစူပါလိဂ်ပြိုင်ပွဲဝင်အသင်း (၁၂)သင်းတွင် ပါဝင်ရန် ကြိုးပမ်းခဲ့ပြီး ယင်းပြိုင်ပွဲပြိုလဲသောအခါ စပါးအသင်းပရိသတ်များမှာ အသင်းတာဝန်ရှိသူများကို ဒေါသထွက်ခဲ့ကြခြင်းဖြစ်သည်။
Tottenham Hotspur Supporters’ Trust သည် ၎င်းတို့၏ အဖွဲ့ဝင်ပရိသတ်များအား ပြီးခဲ့သည့် သောကြာနေ့ညနေပိုင်းက ဆန္ဒမဲခံယူခဲ့ရာ အဖွဲ့ဝင်ပရိသတ် (၉၀%)က အသင်းဘုတ်အဖွဲ့ကို ရာထူးမှ ချက်ချင်းနုတ်ထွက်ရန် မဲပေးခဲ့ကြကြောင်း သိရှိရသည်။
အသင်းဥက္ကဋ္ဌဖြစ်သူ လီဗီကမူ ယင်းပြိုင်ပွဲတွင် ပါဝင်မိခဲ့ခြင်းအတွက် ကြီးစွာသောနောင်တရရှိကြောင်း ဝန်ခံပြောကြားခဲ့သည်။
