စပါးအသင်းမှ တောင်ကိုရီးယားတိုက်စစ်မှူး ဆွန်ဟောင်မင်သည် Asian Ballon d’Or ဟု တင်စားခံရသည့် အာရှအကောင်းဆုံးဘောလုံးသမားဆုကို (၅)နှစ်ဆက်တိုက် ဆွတ်ခူးခဲ့ကြောင်း သိရသည်။
အဆိုပါဆုမှာ တရုတ်အားကစားသတင်းစာ Titan Sports က ပြင်သစ်ဘောလုံးမဂ္ဂဇင်း၏ Ballon d’Or ဆုကို အတုယူကာ ၂၀၁၃ ခုနှစ်တွင် စတင်ဖန်တီးချီးမြှင့်ခဲ့ခြင်း ဖြစ်သည်။
ယင်းဆုအတွက် ရွေးချယ်ရာတွင် အာရှဘောလုံးအဖွဲ့ချုပ်လက်အောက်မှ လက်ရွေးစင်အသင်းတစ်သင်းသင်းတွင် ကစားနေသူ သို့မဟုတ် အာရှကလပ်အသင်းတစ်သင်းသင်းတွင် ကစားနေသူဖြစ်ရမည်ဖြစ်ပြီး ဂျာနယ်လစ်များ၏ ဆန္ဒမဲဖြင့် ရွေးချယ်ခြင်းဖြစ်ကြောင်း သိရသည်။
၂၀၁၃ ခုနှစ်တွင် စတင်ချီးမြှင့်ခဲ့သည့် ပထမဆုံးဆုကို ဂျပန်လက်ရွေးစင်ကစားသမား ဟွန်ဒါနှင့် ၂၀၁၆ ခုနှစ်တွင် ဂျပန်ကစားသမားပင်ဖြစ်သည့် အိုကာဇာကီတို့ ရရှိခဲ့သည်မှလွဲ၍ ကျန်(၇)ကြိမ်စလုံးတွင် ဆွန်ဟောင်မင်က အကောင်းဆုံးဆု ရယူနိုင်ခဲ့သည်။
ယခုနှစ်ရရှိမှုမှာ (၅)နှစ်ဆက်ဖြစ်ပြီး အီရန်လက်ရွေးူစင်ကစားသမားနှစ်ဦးနှင့် အဓိကပြိုင်ဆိုင်ခဲ့ရခြင်းဖြစ်ကြောင်း သိရသည်။
ဆွန်ဟောင်မင်သည် ၂၀၂၁ ခုနှစ်အတွင်းတွင် စပါးအသင်းအတွက် (၁၇)ဂိုး၊ တောင်ကိုရီးယားအသင်းအတွက် (၄)ဂိုးသွင်းယူကာ ခြေစွမ်းပြခဲ့သူဖြစ်ပြီး ယခုဆုကို အမှတ်အပြတ်အသတ်ဖြင့် ရယူနိုင်ခဲ့ခြင်းဖြစ်သည်။
ဆွန်ဟောင်မင်သည် ဒုတိယနေရာမှ ပြိုင်ဘက်ကို (၁၃၁) မှတ်အထိ ဖြတ်နိုင်ခဲ့ခြင်းဖြစ်သည်။
