အဲဗာတန်အသင်း၏ ဂိုးသမား ဘီဂိုဗစ်သည် Florida Cup ပြိုင်ပွဲ၌ ခြေစွမ်းရော လက်စွမ်းပါ ပြသခဲ့ကြောင်း သိရသည်။
မြန်မာစံတော်ချိန် တနင်္လာနေ့နံနက်ပိုင်းက ယှဉ်ပြိုင်ကစားခဲ့သည့် ယင်းပွဲ၌ အဲဗာတန်နှင့် မီလွန်နေးရီအော့စ်အသင်းတို့ မိနစ်(၉၀) အတွင်း (၁-၁)ဂိုးဖြင့် သရေကျခဲ့သည့်အတွက် ပယ်နယ်တီအဆုံးအဖြတ် ခံယူခဲ့ရသည်။
တစ်ဖက်လျှင် ပယ်နယ်တီ(၁၁)လုံးစီ ကန်ခဲ့ရပြီး ဘီဂိုဗစ်က ကိုယ်တိုင် ဂိုးဝင်အောင် သွင်းယူနိုင်ခဲ့သလို၊ ပြိုင်ဘက်ဂိုးသမား မိုရီနို၏ ကန်ချက်ကိုပါ ကာကွယ်ပြီး အောင်ပွဲခံနိုင်ခဲ့ခြင်းဖြစ်သည်။
ဘီဂိုဗစ်သည် ပြီးခဲ့သည့်ရက်ပိုင်းကမှ ဘုန်းမောက်အသင်းမှ အဲဗာတန်အသင်းထံသို့ ပြောင်းရွှေ့လာခဲ့ခြင်းဖြစ်ပြီး ပထမဆုံးပွဲဦးထွက်ခွင့်ရသည့်ပွဲတွင် ရာသီကြိုဖလားတစ်လုံးရရှိအောင် စွမ်းဆောင်ပေးနိုင်ခဲ့ခြင်းဖြစ်သည်။
