PSG အသင်းတိုက်စစ်မှူး မက်ဆီသည် ပြီးခဲ့သည့်ရက်ပိုင်းက Instagram လူမှုမီဒီယာတွင် Follower သန်း ၃၀၀ ပြည့်မြောက်ခဲ့ပြီဖြစ်ကြောင်း သိရသည်။
အသက် ၃၄ နှစ်ရှိပြီဖြစ်သည့် မက်ဆီသည် Instagram အသုံးပြုသည့် ကာလတစ်လျှောက် Post ၈၂၆ ခု တင်ထားပြီး Follower အရေအတွက် ၃၀၄ သန်းရှိလာပြီဖြစ်သလို ၎င်းက Follow ပြုလုပ်ထားသူမှာ ၂၃၈ ဦး ရှိကြောင်း သိရသည်။
မက်ဆီသည် Instagram တွင် Follower သန်း ၃၀၀ ပြည့်သည့် တတိယမြောက် လူပုဂ္ဂိုလ်ဖြစ်လာပြီး မန်ယူအသင်းတိုက်စစ်မှူး စီရော်နယ်လ်ဒိုက ၃၉၅ သန်း၊ နာမည်ကြီး အမေရိကန်ရုပ်သံတင်ဆက်သူ ကိုင်လီဂျန်နာက ၃၀၆ သန်းစီရရှိထားသည်။
မက်ဆီသည် Facebook တွင် Follower ၁၀၅ သန်းရှိသော်လည်း Twitter အသုံးပြုခြင်းမရှိကြောင်း သိရသည်။
