အာဆင်နယ် – အာဆင်နယ်အသင်းတွင် အဓိကတိုက်စစ်မှူး အူဘာမီယန်းနှင့် လာကာဇက်၊ တောင်ပံကစားသမား ဝီလီယံ၊ အရန်ဂိုးသမား ရူနာဆန်တို့မှာ ရာသီအစပွဲစဉ်(၁) ဘရန့် ဖို့ဒ်နှင့်ပွဲမတိုင်မီ ကိုဗစ်ပိုးကူးစက်မှု ခံခဲ့ရသည်။ သို့ဖြစ်ရာ ယင်းပွဲမတိုင်မီ အာဆင်နယ်တစ်သင်းလုံးအား (ပုံမှန်မဟုတ်သည့်)သီးခြားရောဂါပိုးစစ်ဆေးမှု ပြုလုပ်ခဲ့ရသည်။
ချယ်လ်ဆီး – ချယ်လ်ဆီးအသင်းတွင် ကွင်းလယ်လူများဖြစ်သည့် ပူလီဆစ်၊ လော့ဖ်တပ်ချိခ်အစရှိသော ကစားသမားများမှာ ရောဂါပိုးကူးစက်ကြောင်းတွေ့ရှိ၍ အနားပေးထားရသည်။ ပူလီဆစ်မှာ ကာကွယ်ဆေး(၂)ကြိမ် ထိုးနှံထားသော်လည်း လက္ခဏာတစ်စုံတစ်ရာမပြဘဲ ရောဂါပိုးကူးစက်ခံခဲ့ရခြင်းဖြစ်သည်။
မန်ယူ – ပရီးမီးယားလိဂ်ရာသီ မစတင်မီအချိန်တွင် မန်ယူအသင်း၏ဂိုးသမား ဟန်ဒါဆန်၊ ကွင်းလယ်တိုက်စစ်ကစားသမား လင်ဂတ်တို့မှာ ကိုဗစ်ရောဂါပိုးကူးစက်မှုကို ခံခဲ့ရသည်။ မန်ယူအသင်းနည်းပြ ဆိုးလ်ရှားက အသင်းတွင် ကစားသမားအား လုံး ကာကွယ်ဆေးထိုးနှံခြင်းမရှိကြောင်း၊ ဆေးမထိုးလိုသူများ ရှိနေဆဲဖြစ်ကြောင်း ပြောကြားခဲ့သည်။
မန်စီးတီး- ပြီးခဲ့သည့်နွေရာသီအတွင်း မန်စီးတီးအသင်း၏ အကယ်ဒမီတွင် ကစားသမား(၁၀)ဦးကျော်ခန့်မှာ ကိုဗစ်ပိုးကူးစက်ခံရကြောင်း တွေ့ရှိရ၍ မန်စီးတီးအကယ်ဒမီအဆောက်အအုံကို ရက်အတန်ကြာ ပိတ်ပင်ထားခဲ့ရသည်။
နယူးကာဆယ် – နယူးကာဆယ်အသင်းတွင် ဂိုးသမား ဒါလိုးမှာ ကိုဗစ်ရောဂါကြောင့် ဆေးရုံသို့ပင်တင်ပို့ကာ ကုသခဲ့ရသည်။ အသင်းခေါင်းဆောင် လက်ဆဲစ်နှင့် တောင်ပံကစားသမား မက်ဆီမင်တို့မှာလည်း ကိုဗစ်ရောဂါကူးစက်မှုကို ခံခဲ့ရသည်။
