လက်စတာအသင်းတိုက်စစ်မှူး ဗာဒီသည် တံကောက်ကြောဒဏ်ရာကြောင့် (၄)ပတ်ဝန်းကျင် အနားယူရမည်ဖြစ်ကြောင်း သိရသည်။
ဗာဒီသည် လီဗာပူးလ်ကို အနိုင်ရခဲ့သည့်ပွဲတွင် ပွဲချိန်ပြည့်ပါဝင်ကစားခဲ့သော်လည်း လီဗာပူးလ်နောက်ခံလူ မာတစ်နှင့် ထိခိုက်မိကာ ဒဏ်ရာရခဲ့ခြင်းဖြစ်ကြောင်း သိရသည်။
ဗာဒီအနေဖြင့် (၃)ပတ်မှ (၄)ပတ်အထိ အနားယူရမည်ဖြစ်ပြီး အသင်းအတွက် ပိုမို အခက်တွေ့စေတော့မည်ဟု နည်းပြ ဘရန်ဒန်ရော်ဂျာက ညည်းတွားခဲ့သည်။
အသက် (၃၄)နှစ်အရွယ်ရှိ အင်္ဂလန်ဝါရင့်တိုက်စစ်မှူး ဗာဒီသည် လက်စတာအသင်းအတွက် ယခုရာသီ ပြိုင်ပွဲစုံ (၂၁)ပွဲတွင် (၁၁)ဂိုးအထိ သွင်းယူထားသည်။
ထို့ပြင် လက်စတာအသင်းတွင် COVID-19 ကူးစက်ခံရသည့် ကစားသမားများပြားနေသည့်အတွက် ဇန်နဝါရီ (၁)ရက်တွင် ကစားမည့် နောဝစ်ချ်နှင့် ပရီးမီးယားလိဂ်ပွဲစဉ်ကို ရွှေ့ဆိုင်းထားကြောင်းလည်း သိရသည်။
