ရီးယဲလ်အသင်း၏ ဂျာမနီကွင်းလယ်ကစားသမား တိုနီကရို့စ်သည် ကိုရိုနာဗိုင်းရစ် ကူးစက်ခံခဲ့ရကြောင်း သိရသည်။
တိုနီကရို့စ်သည် ကိုရိုနာဗိုင်းရပ်စ်ကူးစက်ခံထားရသူနှင့် ထိတွေ့မှုရှိခဲ့ခြင်းကြောင့် ဘီလ်ဘာအိုနှင့်ပွဲကို လွဲချော်ခဲ့ပြီး သီးခြားနေထိုင်မှု ပြုလုပ်ခဲ့ရသည်။
ထို့နောက် ဆေးစစ်မှုအဖြေအရ ၎င်းကိုယ်တိုင် ကိုရိုနာဗိုင်းရပ်စ်ကူးစက်ခံထားရပြီဖြစ်ကြောင်း ရီးယဲလ်အသင်းက တနင်္လာနေ့တွင် အတည်ပြုကြေညာခဲ့သည်။
ထို့ကြောင့် တိုနီကရို့စ်သည် ှQuarantine ဝင်သွားရမည်ဖြစ်ပြီး ရီးယဲလ်အသင်း၏ ရာသီအဆုံးသတ်နောက်ဆုံးပွဲစဉ်ကို လွဲချော်ရမည်ဖြစ်သည်။
ရီးယဲလ်အသင်းသည် လာလီဂါနောက်ဆုံးပွဲစဉ်အဖြစ် ဗီလာရီးယဲလ်အသင်းနှင့် ယှဉ်ပြိုင်ကစားရမည်ဖြစ်ပြီး ချန်ပီယံဆုအဆုံးအဖြတ်အတွက် မြို့ခံပြိုင်ဘက် အက်သလက်တီကိုအသင်းနှင့် အားပြိုင်နေရသည်။
