အင်တာမီလန်အသင်းသည် ဂျာမန်ကလပ် ဘိုင်ယန်မြူးနစ်အသင်း၏ ပြင်သစ်ခံစစ်မှူး ပါဗတ်ကို အပြီးသတ်ခေါ်ယူလိုက်နိုင်ပြီဖြစ်သည်။ အသက် ၂၇ နှစ်အရွယ်ရှိ ပါဗတ်သည် ဘိုင်ယန်တွင် ၄ နှစ်ကြာကစားပြီးနောက် ဘွန်ဒက်စ်လီဂါအမှတ်ပေး ချန်ပီယံ လေးကြိမ်နှင့် ချန်ပီယံလိဂ်ဖလားတစ်ကြိမ်ရရှိထားသည်။
ထို့ပြင် ၎င်းသည် ကလပ်အသင်းများကမ္ဘာ့ဖလားချန်ပီယံဆု ဥရောပစူပါဖလားနှင့်ဂျာမန်ဖလားတို့ကိုလည်း ဘိုင်ယန်မြူးနစ်နှင့် အတူဆွတ်ခူးရရှိထားသလို ဂျာမန်အသင်းအတွက် ၁၆၃ ကြိမ်ပါဝင်ကစားကာ ၁၂ ဂိုးသွင်းယူပေးထားနိုင်သည်။ ပြင်သစ်ကလပ် လိုင်လီတွင် ဘောလုံးသမားဘဝစတင်ခဲ့သောပါဗတ်သည် စတူးဂတ်တွင် သုံးရာသီကြာကစားပြိးနောက် ဘိုင်ယန်သို့ ရောက်ရှိခဲ့ခြင်း ဖြစ်သည်။
