ရီးယဲလ်အသင်း၏ အဓိကကစားသမားများဖြစ်သည့် ရာမို့စ်နှင့် ဟာဇက်တို့သည် အတ္တလန်တာအသင်းနှင့် ကစားမည့်ချန်ပီယံလိဂ်ရှုံးထွက် (၁၆)သင်းအဆင့်(ဒုတိယအကျော့)ပွဲစဉ်တွင် ပါဝင်လာဖွယ်ရှိနေကြောင်း AS က ဖော်ပြခဲသည်။
စပိန်ဝါရင့် နောက်ခံလူ ရာမို့စ်သည် ဒူးဒဏ်ရာကြောင့် ဖေဖော်ဝါရီ (၆)ရက်ကတည်းက အနားယူနေရခဲ့ပြီး ဟာဇက်မှာလည်း ကြွက်သားဒဏ်ရာကြောင့် အနားယူနေရသည်မှာ (၄)ပတ်ခန့် ရှိပြီဖြစ်သည်။
၎င်းတို့(၂)ဦးစလုံးသည် ပြီးခဲ့သည့်ဗုဒ္ဓဟူးနေ့တွင် အသင်းနှင့်အတူ လေ့ကျင့်ခန်းပြန်ဆင်းနေကြဖြစ်ပြီး ရီးယဲလ်အသင်း၏ ပွဲစဉ်များတွင် ပါဝင်ကစားရန်အသင့်ရှိနေကြကြောင်း သိရှိရသည်။
AS ၏ ဖော်ပြချက်အရ ရာမို့စ်နှင့် ဟာဇက်တို့သည် မတ်(၁၃) ရက်တွင် ကစားမည့် အယ်လ်ချီနှင့်ပွဲ သို့မဟုတ် မတ်(၁၆)ရက်တွင် ကစားမည့် အတ္တလန်တာနှင့်ပွဲ၌ ပါဝင်ဖွယ်ရှိနေကြောင်း သိရသည်။
ရီးယဲလ်အသင်းသည် အတ္တလန်တာကို ပ- ကျော့ တွင် အဝေးကွင်း၌ (၁-၀)ဂိုးဖြင့် အနိုင်ရထားသည်။
