ချယ်လ်ဆီးအသင်းကို ဝယ်ယူရန် ကြိုးပမ်းနေသူတစ်ဦးဖြစ်သော ဗြိတိန်လုပ်ငန်းရှင် နစ်ခ်ကန်ဒီက မိမိသာ ဝယ်ယူနိုင်ခဲ့ပါက အသင်းဘုတ်အဖွဲ့တွင် ပရိသတ်များအတွက် နေရာတစ်နေရာပေးသွားမည်ဟု ကတိပြုပြောကြားခဲ့သည်။
နစ်ခ်ကန်ဒီ(၄၉ နှစ်)သည် ချယ်လ်ဆီးပရိသတ်တစ်ဦးဖြစ်ပြီး အမေရိကန်လုပ်ငန်းရှင်များ၊ ဆော်ဒီလုပ်ငန်းရှင်များနှင့်အပြိုင် ချယ်လ်ဆီးအသင်းကို ဝယ်ယူရန် ကြိုးပမ်းနေသူဖြစ်သည်။
၎င်းက ချယ်လ်ဆီးအသင်းကို ပေါင်(၂.၅)ဘီလီယံဝန်းကျင်ဖြင့် ဝယ်ယူရန် ရည်ရွယ်နေခြင်းဖြစ်ကြောင်း သိရသည်။
သို့သော် နစ်ခ်ကန်ဒီက မည်သူပိုင်ဆိုင်ခွင့်ရသည်ဆိုခြင်းက အဓိကမဟုတ်ဘဲ ချယ်လ်ဆီးအသင်းကို မိမိမပိုင်ဆိုင်ရလျှင်လည်း ဘေးကင်းလုံခြုံသည့်အခြေအနေ ရောက်ရှိရန်သာ လိုလားသည်ဟုလည်း ပြောကြားခဲ့သည်။
