နယူးကာဆယ်အသင်းအနေဖြင့် ဗီလာရီးယဲလ်အသင်းနည်းပြ အူနိုင်းအမ်မရီ၏ ငြင်းဆန်မှုကြောင့် လစ်လပ်နေသည့် နည်းပြရာထူးအတွက် ဘုန်းမောက်အသင်းနည်းပြဟောင်း အက်ဒီဟောင်းကိုသာ ခန့်အပ်ရဖွယ်ရှိနေကြောင်း သိရသည်။
နယူးကာဆယ်သည် နည်းပြဖြစ်သူ စတိဗ်ဘရုစ်ကို အောက်တိုဘာ ၂၀ ရက်တွင် ထုတ်ပယ်ပြီးနောက် နည်းပြသစ်တစ်ဦး ခန့်အပ်ရန် ကြိုးပမ်းလျက်ရှိသော်လည်း နှစ်ပတ်ကျော်ကြာသည်အထိ ခန့်အပ်နိုင်ခြင်းမရှိသေးဘဲ ကြန့်ကြာနေခြင်းဖြစ်သည်။
ယင်းရာထူးအတွက် ရေပန်းစားသူတစ်ဦးဖြစ်သည့် ဗီလာရီးယဲလ်အသင်းနည်းပြ အူနိုင်းအမ်မရီက ယခုရာသီတွင် အသင်းပြောင်းရွှေ့ဖွယ် မရှိကြောင်း ထုတ်ဖော်ပြောကြားခဲ့သောကြောင့် အက်ဒီဟောင်းကိုသာ ခန့်အပ်ရဖွယ်ရှိနေကြောင်း BBC သတင်းဌာနက ခန့်မှန်းဖော်ပြသည်။
နယူးကာဆယ်အသင်းသည် ယခုရာသီတွင် စတိဗ်ဘရုစ်ကိုင်တွယ်ခဲ့သည့် ပရီးမီးယားလိဂ်ရှစ်ပွဲစလုံး နိုင်ပွဲမရခဲ့သလို ယာယီနည်းပြ ဂရေမီဂျုံးစ်လက်ထက်တွင်လည်း တစ်ပွဲသရေကျကာ တစ်ပွဲရှုံးနိမ့်ထားသည်။
