ဝုလ်ဗ်အသင်းနည်းပြဟောင်း နူနိုဆန်တိုသည် အဲဗာတန်အသင်း နည်းပြသစ်ဖြစ်လာရန် အလွန်နီးစပ် နေပြီး ၎င်းအား အဲဗာတန်နည်းပြသစ် ဖြစ်လာမည်ဟု ကြေးဖွင့်ထားခြင်းကို ဘွတ်ကီဒိုင်များက ရပ်ဆိုင်းလိုက်ပြီ ဖြစ်ကြောင်း သိရှိရသည်။
အဲဗာတန်အသင်းသည် ရီး ယဲလ်မက်ဒရစ်အသင်းသို့ပြောင်းရွှေ့ သွားသည့် အီတလီလူမျိုးနည်းပြ အန် ဆယ်လော့တီ၏နေရာတွင် အစား ထိုးရန်အတွက် နည်းပြသစ်ရှာဖွေ နေ ပြီး လက်ရှိတွင် နူနိုဆန်တိုမှာ ရေပန်း စားနေခြင်းဖြစ်သည်။
Liverpool Echo သတင်းစာ ၏ ဖော်ပြချက်အရ အဲဗာတန်အသင်း ၏ နည်းပြသစ်ရှာဖွေခန့်အပ်မှုလမ်းစဉ် မှာ မပြီးဆုံးသေးသော်လည်း နူနိုဆန် တိုကသာ ယင်းရာထူးကို လက်ခံရရှိ လိမ့်မည်ဟု ဘွတ်ကီဒိုင်များက ယုံ ကြည်နေကြကြောင်း၊ ၎င်းင်းအား လောင်း ကြေးဖွင့်ထားခြင်းကို ရပ်ဆိုင်းလိုက်ပြီ ဖြစ်ကြောင်း သိရှိရသည်။ နူနိုဆန်တို သည် ဝုလ်ဗ်အသင်းအား ၂၀၁၇ ခုနှစ် နွေရာသီမှ ပြီးခဲ့သည့် ၂၀၂၁ ရာသီ ကုန်အထိ ကိုင်တွယ်ခဲ့သူဖြစ်ပြီး သူ၏ လက်ထက်တွင် အသင်းမှာ မာကျော ပြီး အသင်းကြီးများအား ဒုက္ခပေးနိုင် သည့် အသင်းတစ်သင်းအဖြစ် ရပ်တည် နိုင်ခဲ့သည်။ သူသည် ဝုလ်ဗ်အသင်းကို ပြိုင်ပွဲစုံ (၁၉၉)ပွဲ ကိုင်တွယ်ခဲ့ရာတွင် (၉၅)ပွဲနိုင်၊ (၄၉)ပွဲသရေကျပြီး၊ (၅၅)ပွဲ ရှုံးနိမ့်ခဲ့သည်။ နူနိုဆန်တိုသည် ဝုလ်ဗ်အသင်းသမိုင်းတွင် ပရီးမီးယား လိဂ်ပွဲအများဆုံးကိုင်တွယ်သည့် နည်း ပြအဖြစ် မှတ်တမ်းဝင်ခဲ့သည်။
